2020 ОНЫ 03 ДУГААР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

Агаарын температур: Агаарын дундаж температур 1.0-5.8 градус хүйтэн, агаарын үнэмлэхүй их температур 12.9-16.1 градус дулаан , үнэмлэхүй бага  температур -15.4-19.2 градус хүйтэн байв. Харин хөрсний дундаж температур 3.4 градус хүйтнээс 3.6 градус дулаан,  хамгийн их температур 22.2-35.0 градус дулаан,  хамгийн бага температур 15.9-19.6 градус хүйтэн байлаа.

Хур тунадастай өдрийн тоо, тунадасны хэмжээ: Улаанбаатар, Амгалан, Тэрэлж зэрэг өртөөнд 0.0 мм орчим цас орлоо.

Салхитай өдрийн тоо,  хамгийн их хурд:  Салхины хамгийн их хурд Буянт-Ухаа 21м/с хүрч ширүүссэн бол бусад дүүрэгт 16-19 м/с байв. Харин 10 м/с-ээс их салхитай өдөр Партизан, Өлзийтөд 2-3 удаа ажиглагдсан бол бусад дүүрэгт 9-10 удаа ажиглагдсан байна.

Бэлчээрийн ургамал: Ихэнх нутгаар бэлчээрийн ургамлууд цухуйлт болон шинэ үе шат ажиглагдаагүй. 

Хөдөө аж ахуйн үйлдвэрлэлд: Цаг агаарын нөхцөл мал аж ахуйд хүндрэл үзүүлээгүй, малын усан хангамж  сайн, худгийн болон голын усаар ундаалж байна. МАА-н үйлдвэрлэл  нийт дүүргээр малд нэмэгдэл тэжээл өгөх, хөөвөр хялгас авах,  бог, бод мал төллөх ажил үргэлжилж байна.                                                               

Тойм бичсэн: ХААЦУ-ын ерөнхий технологич инженерийг орлон гүйцэтгэгч  Б.Мөнхтуяа